Ka ndërruar jetë njëri prej tre personave që mbetën të plagosur me thikë gjatë një sherri në një lokal në fshatin Breg-Lumë, të Tropojës.
Policia bën me dije se viktima është 24-vjeçari Adrian Pepkolaj, ndërkohë që të plagosur kanë mbetur dhe vëllai 32-vjeçar i viktimës Valentin Pepkolaj, dhe një miku i tyre 45-vjeç, hkelzen Kukaj.
Policia ka bërë të mundur arrestimin e 5 personave të cilët kanë përkrahur autorin e krimit, 40 vjeçarin Saimir Sadiku, ndërkohë që po vijon puna për lokalizimin dhe arrestimin e këtij të fundit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
NJOFIMI I POLICISË:
Si rezultat i veprimeve të thelluara hetimore dhe policore të kryera menjëherë pas rastit të ndodhur më datë 11.07.2024, rreth orës 17:00, në një lokal në fshatin Breg-Lumë, ku për motive të dobëta, shtetasi S. S., 40 vjeç, plagosi me mjete prerëse, shtetasit V. P., 32 vjeç, Sh. K., 45 vjeç, si dhe vëllanë e shtetasit V. P., shtetasin A. P., 24 vjeç, i cili si pasojë e plagëve, humbi jetën në spital, u arrestuan shtetasit:
-Andrin Qehaja, 39 vjeç, për veprat penale “Përkrahja e autorit të krimit” dhe “Moskallëzimi i krimit”;
-Xhevolin Macaj, 31 vjeç, për veprat penale “Veprime që pengojnë zbulimin e së vërtetës” dhe “Moskallëzimi i krimit”;
-Altin Shpendi, 34 vjeç, për veprën penale “Moskallëzimi i krimit”;
-Anton Boçi, 29 vjeç, për veprën penale “Moskallëzimi i krimit”;
-Jetmir Kuraj, 34 vjeç, për veprën penale “Moskallëzimi i krimit”, pasi përkrahën autorin e vrasjes me mjete prerëse të një shtetasi dhe të plagosjes së dy të tjerëve, kryer pasditen e djeshme, për motive të dobëta, në një lokal në fshatin Breg-Lumë.
Në drejtimin e Prokurorisë së Kukësit, vijojnë hetimet për të dokumentuar me prova ligjore përgjëgjësinë penale të secilit prej këtyre shtetasve.
2 të dëmtuarit vijojnë të jenë në kujdesin e mjekëve.
Gjithashtu, vijojnë kërkimet intensive për kapjen e shtetasit S. S..
LEXONI GJITHASHTU:
- Tropojë| 20-vjeçari humb kontrollin e mjetit! Vdes pasagjeri, shoferi te Trauma
- Sherr me sende të forta dhe thika në një lokal në Tropojë, 3 të plagosur
