Këshilli i Lartë i Prokurorisë u mblodh me urgjencë sot dhe vendosi caktimin e përkohshëm të prokurorit Abaz Muça si drejtues për një afat 3 mujor, në Prokurorinë pranë Gjykatës së Shkallës së Parë të Juridiksionit të Përgjithshëm Dibër.
Ky vendim u mor pas shkarkimit dje nga KPA-ja të drejtuesit Urim Buçi.
Në një deklaratë 3 ditë më parë Këshilli i Lartë i Prokurorisë mbrojti publikisht punën e prokurorëve duke gjykuar se të drejtat e tyre po shkelen, pa ju referuar këtu me emër konkret asnjë prokurori.
“Në këtë kuadër, Këshilli i Lartë i Prokurorisë ka ndjekur me shqetësim ditët e fundit, deklaratat e subjekteve të veçanta në mediat audio vizive dhe ato elektronike, lidhur me veprimet procedurale të ndërmarra nga prokurorët e Prokurorisë së Posaçme pranë SPAK”, – thuhet në njoftimin e KLP-së.
LEXONI GJITHASHTU:
- KLP mbron punën e prokurorëve: Dënojmë çdo rast ku intimidohen padrejtësisht
- Ish-prokurori i Krimeve të Rënda: Pse duhet urgjentisht amnistia penale
