English

Shkarkohet ministri i financave në Britani

KOMENTE

SHPERNDAJE
ARTIKULLIN

Text sizeAa Aa

Ministri i Financave te Britanisë së Madhe është shkarkuar nga detyra për mos raportim të shkeljeve me taksat. Kryeministri Rishi Sunak pas vendimit të shkarkimit tha se asnjë anëtar i kabinetit nuk do të lejohet të shkelë Kodin e Sjelles së qeverisë.

- Advertisement -

Kryeministri i Britanisë së Madhe, Rishi Sunak ka shkarkuar nga detyra ministrin e Financave Nadhim Zahawi.

Shkak është bërë mos raportimi i ministrit për taksat dhe një gjobë që ka paguar për një prej kompanive në të cilat ai ishte aksioner.

Një javë më parë, kryeministri Sunak urdhëroi hetimin e anëtarit të kabinetit për çështjen e taksave. Nga verifikimet rezultoi se ministri kishte paguar një gjobë prej miliona paundësh te tatimet, por nuk e kishte raportuar atë në autoritetet e qeverisë. Gjoba ishte paguar disa kohë me parë në tatime, pas një marrëveshjes mes kompanisë së ministrit dhe zyrës së taksave.

Për kryeministrin Rishi Sunak një veprim i tillë i anëtarit të kabinetit të tij bie ndesh me kodin e sjelljes së qeverisë britanike.

Javën e fundit, qeveria e Sunak ishte në qendër të kritikave të kundërshtarëve politik dhe opinionit publik për faturat e ministrit.

Kritikët e kryeministrit thonë se Sunak duhet të kishte larguar ministrin që në ditët e para që skandali doli në opinionin publik.

Zahavi u emërua kancelar i thesarit nga ish kryeministri Johnson në korrik të vitit të kaluar. Ai qëndroi në kabinet edhe nën drejtimin e Liz Truss dhe kryeministrit aktual Rishi Sunak.

LEXONI GJITHASHTU: 

 

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×