Një sasi lënde plasëse ka shpërthyer në ambientet e jashtme të një lokali në rrugën “Ramazan Gaxherri” në periferi të Tiranës.

Shpërthimi është regjistruar rreth orës 01:15 minuta të 25 marsit ndërsa nuk ka persona të lënduar por vetëm dëme materiale.

Zhurma nga shpërthimi ka qenë e fuqishme dhe është dëgjuar edhe nga banorët e zonave përreth vendit të ngjarjes.

Njoftimi i policisë

Rreth orës 01:15, është marrë njoftimi se në rrugën “Ramazan Gaxherri”, në ambientin e jashtëm të një lokali të mbyllur në pronësi të shtetasit S. H, rreth 44 vjeç, dyshohet se ka plasur një sasi e vogël lëndë plasëse.

Si pasojë ka vetëm dëme të vogla materiale. Nuk ka persona të dëmtuar.

Grupi hetimor po punon për sqarimin e rrethanave të ngjarjes, identifikimin dhe kapjen e autorit/eve”.

LEXONI GJITHASHTU:

• EMRI/ I vuri tritol lokalit në Krujë, identifikohet dhe shpallet në kërkim autori
• Shkodër/ Shpërthim tritoli në lagjen Rus, detajet e para