Autoritetet indoneziane kanë nisur evakuimin e rreth 3,000 banorëve pranë vullkanit Ibu në ishullin Halmahera pasi vullkani shpërtheu.
Shpërthimi i vullkanit Ibu ndodhi mëngjesin e djeshëm dhe zgjati rreth dy minuta, për këtë arsye autoritetet ngritën nivelin e alarmit në nivelin më të lartë në zonat përreth, raportoi Reuters.
“Situata në terren aktualisht është e qëndrueshme,” tha zëdhënësi i Agjencisë Indoneziane për Reduktimin e Rrezikut të Fatkeqësive, Abdul Muhari.
Ai më parë deklaroi se rreth 13,000 njerëz jetojnë pranë vullkanit. Shpërthimi është vetëm i fundit në një seri aktivitetesh vullkanike në Indonezi, i cili ndodhet në “Unazën e Zjarrit” të Paqësorit dhe ka 127 vullkane aktive.
Vullkani Ibu pati një sërë shpërthimesh edhe vitin e kaluar, dhe në maj banorët nga shtatë fshatrat e afërta duhej të evakuoheshin për shkak të kësaj.
LEXONI GJITHASHTU:
- “Flokët e shtrigës” pushtojnë Islandën, vendi nordik ende nën efektet e vullkanit
- Shpërthen vullkani më aktiv i Indonezisë, nuk ka raportime për viktima apo dëme