Në ditën e tretë të zjarrit në Ishullin e Sazanit situata vijon të jetë shqetësuese.

Zjarri mbetet aktiv në një sipërfaqe të konsiderueshme në pjesën lindore të ishullit, përballë qytetit të Vlorës.

Me dhjetëra pisha shekullore janë shkrumbuar dhe vijojnë të digjen edhe ditën e hënë.

Pavarësisht përpjekjes natën e djeshme të Forcave të Armatosura, zjarrfikësve dhe ADZM-së shuarja e zjarrit ishte e pamundur.

Po ashtu një rrezik  në ishull janë dhe municionet e mbetura, të cilat mund shpërthejnë nga zjarri.

Deri sa të shuhen flakët e zjarrit dhe te pastrohen mbetjet e municioneve ishulli i Sazanit do të jetë i mbyllur për turistët.

Është dhënë urdhër që asnjë foto ose video të mos i përcillet mediave.

LEXONI GJITHASHTU:

• Izolohen disa nga vatrat më të rrezikshme të zjarrit në ishullin e Sazanit
• Zjarr i dendur në Ishullin e Sazanit