English

Shqiptarët kursejnë për ushqime, në korrik u ulën importet dhe për karburantet

KOMENTE

SHPERNDAJE
ARTIKULLIN

Text sizeAa Aa

Çmimet e larta kanë ulur konsumin për produktet bazë të shqiptarëve.

- Advertisement -

Sipas të dhënave të Institutit të Statistikave, importet e mallrave në sasi për muajin korrik janë ulur me një normë vjetore 20.5%, ndërsa rritja në vlerë e importeve u faturohet vetëm çmimeve të larta.

Një vit më parë volumi i mallrave të importuar në korrik ishte 478.766 ton, ndërsa këtë vit volume ranë në 380.451 ton.

Goditja më e lartë ka ardhur nga zëri minerale, lëndë djegëse dhe energji elektrike, me 40% më pak, ku efekti kryesor ka ardhur nga rënia e importit të karburanteve.

Shqiptarët kanë kursyer në korrik edhe për blerjen e ushqimeve. Sasia e mallrave ushqimorë të importuar këtë korrik është 12.5% më e ulët se një vit më parë.

Rënie të importeve ka edhe për produktet kimike e plastike, makineritë, pajisjet, metalet dhe materialet e ndërtimit, të cilat janë lëndët e para që përdoren për të furnizuar industrinë e vendit.

Dy sektorët e vetëm që kanë ruajtur kërkesën për të blerë mallra janë industria e mobilerisë dhe ajo e artikujve të lëkurës, kryesisht të përqendruar në prodhimin dhe rieksportimin e këpucëve.

Tkurrja e konsumit pritet të ngadalësojë rritjen e ekonomisë të vendit e cila deri tani ka qëndruar në një terren pozitiv pavarësisht krizës së çmimeve që ka përfshirë shumicën e vendeve të globit.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×