Një shtetas zviceran i arrestuar në Iran dhe i akuzuar për spiunazh ka vdekur në burg.

Burri po mbahej me një të burgosur tjetër në një burg në qytetin lindor të Semnanit, kur ai “kreu vetëvrasje” të enjten, tha Agjencia gjysmë-zyrtare iraniane e Lajmeve Tasnim.

Agjencia e Lajmeve Mizan, e drejtuar nga gjyqësori, tha se zyrtarët e burgut ndërmorën menjëherë veprime për të shpëtuar jetën e shtetasit zviceran, por përpjekjet e tyre ishin të pasuksesshme.

Mizan nuk dha detaje të tjera në lidhje me identitetin e burrit.

“Këtë mëngjes, një shtetas zviceran kreu vetëvrasje në burgun e Semnanit,” tha një deklaratë në faqen e internetit të Mizan, që i atribuohet Mohammad Sadegh Akbari, kryetar i drejtësisë së Semnanit.

Deklarata shtoi se ai ishte “arrestuar nga forcat iraniane të sigurisë për spiunazh” dhe çështja ishte “nën hetim”.

Në vitet e fundit, Garda Revolucionare elitare e Iranit ka arrestuar dhjetëra shtetas të dyfishtë dhe të huaj, kryesisht me akuza të lidhura me spiunazhin dhe sigurinë.

Zvicra luan një rol të rëndësishëm ndërmjetës midis Uashingtonit dhe Teheranit pasi përfaqëson interesat amerikane në Iran dhe ndan mesazhe midis dy vendeve.

LEXONI GJITHASHTU:

• Mijëra të evakuuar në Dresden, shkak gjetja e bombës së Luftës së Dytë Botërore
• Rrëshqitja e dheut u ndërpreu rrugë, evakuohen me helikopterë turistët në Zvicër