Që nga 1 maji, Autoriteti Rrugor Shqiptar vendosi që rruga për të shkuar drejt Rinasit të jetë me një sens kalimi. Kjo, sipas ARRSH-së, për të shmangur trafikun e krijuar nga automjete që po dynden në aeroport, si pasojë e lirimit të masave anti-COVID.
Por si do të kryhet lëvizja e makinave?
Për të shkuar drejt aeroportit të Rinasit, mjetet duhet të ndjekin rrugën Qafë Kashar- Rrethrrotullimi i aeroportit të Rinasit e deri në Ahmetaq.
E ndërsa për t’u kthyer, do të ndjekin rrugën Ahmetaq, Vorë – Qafë Kashar. Për mjetet që vijnë nga veriu për në drejtim të Rinasit, do duhet të ndjekin itinerarin Fushë Krujë – Vorë – Qafë Kashar dhe Aeroport.
Edhe pse është dita e dytë e këtij devijimi, ka ende shoferë që nuk i njohin rregullat e reja.
Devijimi i rrugës do të vazhdojë për një afat të pacaktuar.
LEXONI GJITHASHTU:
- Kreu i ARRSH-së: Rruga e Rinasit është vetëm për aeroportin
- Et’hemaj: Në Rinas do bëhet zgjatimi i pistës për fluturime transoqeanike
