Norel Zaimi, gazetar i TVSH ka hyrë dhe ka bërë reportazhe në uzinën e Poliçanit.

Në një intervistë për Euronews Albania ai tregoi se aktualisht në tunelet e Poliçanit, brenda të cilave dy ditë më parë u kapën 2 turistë çekë nuk ka asnjë municion, vetëm makineri që dikur shërbenin për të prodhuar armatime.

Ai tregoi se tunelet deri para viteve 90 kanë qenë objekte të sigurisë së lartë, të ndërtuara me një infrastrukturë moderne dhe të parashikuar për të strehuar mbi gjysmë milioni njerëz në rast rreziku.

Tunelet aktualisht ruhen me roje, por turistët çekë të kapur brenda tyre kanë mundur të hyjnë duke u kacavjerrë nga një shkëmb sipër tuneleve, dhe pasi kanë prerë drynin kanë mundur të futen brenda tyre por kanë humbur rrugën, tregoi gazetari.

“Ka qenë një nga ndërmarrjet më të rëndësishme në Ballkan. Është një kompleks kodrash jashtë radarëve të satelitëve. Gjithë perimetri i kombinatit është i rrethuar me tela me gjemba. Aktualisht tunelet nuk kanë asnjë rrezikshmëri dhe nuk ka pasur ndonjë siguri të madhe”, tha gazetari.

LEXONI GJITHASHTU:

• ‘Në Gramsh dhe Poliçan demontohen armë’, Peleshi: S’kemi industri ushtarake
• Çekët që hynë në uzinën e Poliçanit do hetohen në gjendje të lirë