Shqipëria e ka hequr shërbimin e detyrueshëm ushtarak që prej vitit 2008, por edhe shërbimi vullnetar në Forcat e Armatosura kundrejt pagesës konsiderohet një formë skllavërie moderne.
Në këtë vlerësim del Organizata Ndërkombëtare e Punës, që e rendit Shqipërinë në listën e pak vendeve që nuk lejojnë dorëheqjen e ushtarakëve të karrierës edhe në kohë paqeje. Në këtë listë janë vende si Egjipti, Uganda e Malajzia.
Sipas një udhëzimi të 2014-s të Ministrisë së Mbrojtjes, kontratat e punës të ushtarakëve të karrierës janë 6-vjeçare. Brenda këtij afati ata nuk mund të dorëhiqen, apo largohen. Në rast shkeljeje mund të përballen me ndjekje penale.
Organizata thotë se e drejta e ushtarakëve të karrierës për t’u dorëhequr në kohë paqeje brenda një afati të arsyeshëm kohor sanksionohet në Konventën e të Drejtave Themelore.
Sa i takon situatës globale, Organizata vëren në raportin e saj se numri i personave që konsiderohen si skllevër modernë, që janë në një marrëdhënie pune, apo martese të detyruar është rritur me 10 milionë në 5 vitet e fundit, duke kapur shifrën rekord prej 50 milionësh.
LEXONI GJITHASHTU: