Kreu i Grupit Parlamentar të PS-së, Taulant Balla deklaroi se për zgjedhjen e presidentit të ri do të ketë negociata vetëm me grupet parlamentare që janë pjesë e Kuvendit të Shqipërisë.

Balla theksoi se në Kuvend nuk ka një grup parlamentar të Komisionit të Rithemelimi dhe se nuk mund të njohin propozimet nga ta.

“Nuk di që të ketë në Kuvendin e Shqipërisë një grup parlamentar të Komisionit të Rithemelimi. Konsultimet zhvillohen brenda Kuvendit të Shqipërisë”, tha Balla.

Partia Socialiste i kërkon kryetares së Kuvendit, Lindita Nikolla që raundi i parë për zgjedhjen e Presidentit të ri të mbahet më 4 maj.

Balla tha se nga nesër deri më 29 prill do të zhvillohen negociata për një ‘president konsensual’.

PS ka 74 deputetë që nuk mjaftojnë për zgjedhjen e Presidentit në 3 raundet e para.

LEXONI GJITHASHTU:

• Raundi i parë për zgjedhjen e Presidentit më 4 maj, thotë kreu i grupit të PS
• PS shkresë Kuvendit për nisjen e procedurave për presidentin e ri