Në këto ditë të vështira mjekët, infermierët dhe shoferët e ambulancave janë të parët që janë të ekspozuar ndaj virusit COVID-19. Sigurisht që të shumtë kanë qenë qytetarët që janë solidarizuar me ta.

Së fundmi edhe Federata e Futbollit ka ndërmarrë një nismë mjaft interesante. Me moton “Mjekët Kombëtarja Jonë” dhe në shenje vlerësimi ndaj tyre në fanellat e përfaqësueses do të stampohet emri i të gjithë atyre që janë në frontin e parë të luftës dhe do shpërndahen për secilin.

Emrat e tyre do të qëndrojnë në faqen zyrtare të Federatës së Futbollit si një kujtesë për sakrificën e tyre! Gjithashtu, gjithashtu  do shpërndahen edhe 459 topa futbolli për fëmijët e tyre.

Gjithashtu nuk mungoi as thirrja për të qëndruar në shtëpi si një mënyrë për të kaluar këtë krizë që ka pezulluar çdo aktivitet përfshirë këtu edhe futbollin.