Juristi Kreshnik Spahiu tha për Euronews Albania se drejtësia shqiptare ka një barrierë të cilën nuk po e kalon dot.

Sipas tij, në Shqipëri janë tre familje të paprekshme që edhe sikur nga 10 dosje të kenë drejtësia, nuk merret me ta.

Kreshnik Spahiu tha se këto tre familje janë familja Rama, Berisha dhe Meta, të cilët sipas tij, drejtësia nuk i përmend emrat as për dëshmitarë.

“Ajo që unë dua të theksojë, drejtësia shqiptare ka një tabu dhe një barrierë, nuk ka kaluar dot  ylberin e drejtësisë. Cili është ylberi i drejtësisë? Të arrish në nivelin kryeministror dhe presidencial. Kjo është tabu për drejtësinë shqiptare dhe dallon jo vetëm nga drejtësia europiane, por edhe nga ajo afrikanë edhe nga ajo aziatike, edhe nga ajo latino-amerikane.

Pra në Shqipëri ka tre familje të paprekshme, familja Rama, familja Berisha dhe familja Meta. Këta sikur nga 10 dosje të kenë, drejtësia shqiptare nuk guxon jo t’i arrestojë, por as t’i marrë në pyetje. As dëshmitarë nuk i merr këta”,-tha për Euronews Albania Kreshnik Spahiu.

LEXONI GJITHASHTU:

• Babai i 43-vjeçarit që vrau kunatën dhe veten: S’e kam prekur armën, i di rregullat
• E ëma e 43-vjeçarit: Landi ishte i qetë pasi qëlloi Migenën, vrau veten në oborr