Presidenti gjerman Frank Walter Steinmeier u rizgjodh të dielën për një mandat 5-vjeçar në krye të shtetit.

Në detyrë që prej marsit 2017, ish-ministri i Jashtëm dhe kandidati për kancelar nga radhët e social-demokratëve u zgjodh nga një shumicë dërrmuese prej 1 mijë e 437 votash të asamblesë elektorale.

Kjo strukturë mbledh anëtarët e dhomës së ulët të Parlamentit, një numër përfaqësuesish të zgjedhur nga 16 landet federale të vendit, ish-liderë të Gjermanisë dhe figura të shoqërisë civile.