Të paktën 29 anëtarë të ushtrisë së Nigerit u vranë në një sulm të rebelëve të armatosur pranë kufirit me Malin, njoftoi ministria e mbrojtjes e këtij vendi të Afrikës Perëndimore.
“Numri paraprak i viktimave të këtij sulmi është 29 ushtarë që ranë në betejë, dy ushtarë u plagosën dhe disa dhjetëra sulmues u lënduan gjithashtu”, thuhet në një deklaratë zyrtare që u lexua në televizionin kombëtar të Nigerit, sipas Reuters.
Ministria e Mbrojtjes nuk tha se cila organizatë rebele qëndron pas këtij sulmi, një nga më vdekjeprurësit që nga grushti ushtarak i korrikut të këtij viti.
Nigeri, si vendet fqinje të Malit dhe Burkina Fasos, po lufton me ekstremistët e lidhur me Al Kaedën dhe Shtetin Islamik, të cilët kanë plagosur mijëra njerëz dhe kanë detyruar mbi dy milionë të ikin.
LEXONI GJITHASHTU: