Zv/kryeministrja Belinda Balluku thotë se sulmet kibernetike në Shqipëri janë të sponsorizuara nga një shtet tjetër dhe të kryera nga profesionistë.

Në një intervistë për Euronews Albania, Balluku u shpreh se sulmet që kanë goditur Shqipërinë janë nga më të egrat dhe kjo e thënë nga ekspertë dhe institucione ndërkombëtare.

“Ka qenë një sulm i përqendruar profesional, jo nga amatorë. Është një sulm i sponsorizuar nga një shtet tjetër që ka kapacitete ekonomike për ta bërë një sulm, që e ka bërë edhe në vende të tjera. Është përballuar në mënyrën më të mirë dhe ajo që është më e rëndësishme është kthyer në një mësim që edhe pse një vend i vogël ne duhet të kemi të njëjtën mburojë kundër këtyre sulmeve”, tha Balluku.

LEXONI GJITHASHTU:

• Salianji: Policia pa informacion për sulmet kibernetike, sisteme të pambrojtura
• Eksportues të energjisë në 2030, Balluku: Shqipëria, rol në sigurinë e Ballkanit