Adele po vendos barrierat dhe kufijtë e duhur me fansat e saj, duke marrë parasysh “valën” me sulmet dhe hedhjet e sendeve në skenë, teksa ata performojnë.
Në një video virale në rrjetet sociale, Adele, në mes të koncertit u drejtohet njerëzve: “E keni vënë re se njerëzit kanë filluar ta harrojnë etikën dhe të hedhin sende në skenë? E keni parë?! Ju sfidoj, ju sfidoj të hidhni diçka drejt meje! Do ju vras (nëse e bëni)”, u shpreh këngëtarja e “Hello”.
Më pas, ajo me humor shtoi: “Mjaft hodhët gjëra drejt artistëve. Edhe unë mund të hedh sende drejt jush”.
Komentet e Adele vijnë pas sulmeve të njerëzve ndaj këngëtarëve. Bebe Rexha ishte viktimë e një sulmi të tillë, pasi dikush e goditi me telefon. Më pas, Ava Max-it i gjuajti dikush me shpullë; një fanse hodhi në koncertin e Pink hirin e së ëmës dhe Lil Nas i hodhën një lodër seksi ndërsa performonte.
LEXONI GJITHASHTU:
- U godit me celular në fytyrë gjatë koncertit, reagon Bebe Rexha
- Sulmohen këngëtaret shqiptare të famshme në botë, pas Bebe Rexhës edhe Ava Max
