“Kunderofensiva e AKSHI-t dhe aleateve ndaj sulmit kibernetik po ecën me ritme të shpejta dhe në përputhje me planin e emergjencës”.
Kështu njofton Kryeministria në lidhje me sulmin kibernetik në Shqipëri, ku nënvizoi se faqet zyrtare të ministrive dhe sistemi i Fiskalizimit janë rikthyer në funksion të plotë brenda 12 orësh.
Që prej ditës së djeshme është kthyer në funksion të plotë edhe faqet e institucioneve:
- Drejtoria e Përgjithshme e Shërbimit të Transportit rrugor me sistemin e lejeve të drejtimit dhe sistemin e targave.
- Drejtoria e Përgjithshme e Doganave.
- Fondi i Sigurimit të Detyrueshëm të Kujdesit Shëndetësor me sistemin e recetës elektronike.
- Agjencia Kombëtare e Barnave dhe Pajisjeve Mjekësore me sistemin e barnave.
Ndërkohë në njoftim nënvizohet se po punohet me intensitet për kthimin një e nga një të të gjitha shërbimeve që ofrohen në e-albania dhe rikthimin në funksionalitet të plotë të sistemeve të tjera.
LEXONI GJITHASHTU: