Të ardhurat për frymë në Shqipëri në vitin 2023 ishin 8,600 dollarë. E konvertuar në të ardhura ditore, të ardhurat mesatare ishin 23.5 dollarë, ose 3 dollarë më pak se standardi i përcaktuar nga Banka Botërore për vlerën mesatare të jetesës dinjitoze.
Në rajon, në nivel të ngjashëm me Shqipërinë është Bosnje Hercegovina dhe Maqedonia e Veriut, ndërsa kanë një standard më të mirë Serbia dhe Mali i Zi.
Të dhënat janë referuese, pasi ato ndryshojnë sipas metodologjisë, megjithatë ka një hendek të madh të ardhurave për person mes rajonit tonë dhe Bashkimit Europian, ku diferenca është rreth 4 herë më e madhe.
Me uljen e popullsisë nga të dhënat e CENS-it të vitit 2023 dhe me rritjen ekonomike rreth 4% më 2024, të ardhurat mesatarë vjetore të shqiptarëve janë rritur në 9300 dollarë, duke arritur standardin e prosperitetit, por nga ana tjetër, niveli i varfërisë vazhdon të jetë i lartë rreth 23%.
LEXONI GJITHASHTU:
- 49.4% e të rinjve të papunë, sociologia: Kërkojnë të ardhura të larta dhe shpejt
- 141 mijë punonjës deklarojnë të ardhurat, ulet pragu, afat deri në 31 mars