Një adoleshent u vra dhe dy persona u plagosën nga të shtënat gjatë një ndeshje futbolli në shkollë të mesme në shtetin amerikan të Oklahoma-s, tha sot policia, duke shtuar se dy persona të tjerë u plagosën teksa po largoheshin nga vendi i ngjarjes.
Një djalë 16-vjeçar vdiq nga një plagë me armë zjarri në të shtënat e së premtes mbrëma, tha shefi i policisë së Choctaw Kelly Marshall, duke shtuar se ai nuk ishte nxënës në asnjë nga shkollat që merrnin pjesë në lojë.
Marshall saktësoi se një 42-vjeçar u shtrua në spital me një plagë me armë zjarri në gjoks në gjendje të qëndrueshme, ndërsa një grua e plagosur në kofshë u trajtua dhe u lirua nga spitali, raportoi AP.
Dy gra të tjera pësuan thyerje të kockave ndërsa u larguan nga vendi i ngjarjes, tha Marshall. Ajo ka thënë se sulmuesi është në kërkim dhe se hetimet për të shtënat janë duke vazhduar.
Një debat mes të paktën dy burrave besohet të ketë çuar në të shtënat, tha Marshall, duke shtuar se dy pistoleta dhe tetë plumba u gjetën në vendngjarje
LEXONI GJITHASHTU:
- Dronët iranianë për Rusinë, Moska: Jemi shtete të pavarura, s’i nënshtrohemi SHBA-së
- Arrihet marrëveshja, austronauti i SHBA do dërgohet edhe në një fluturim tjetër rus
