Sekretari i Përgjithshëm i Partisë së Lirisë, Tedi Blushi ka reaguar pas deklaratës së Autoritetit të Dosjeve për padinë e Ilir Metës në drejtim të këtij institucioni.
Përmes një postimi në rrjetet sociale, Blushi ka deklaruar se Autoriteti i Dosjeve, po shërben si një portal shtesë i kryeministrit Edi Rama dhe kryebashkiakut të Tiranës, Erion Veliaj.
Sipas tij, anëtarët e Autoriteti të Dosjeve janë sot nën akuzë penale për dhunimin e ligjit dhe manipulimin e së vërtetës, pasi kanë kryer falsifikime me urdhër të kryeministrit Rama.
Kreu i Partisë së Lirisë, Ilir Meta ka kallëzuar Autoritetin e Dosjeve, ashtu siç e kishte paralajmëruar pak javë më parë.
Meta sqaron se kallëzimi është bërë për shkeljet e rënda dhe të qëllimshme që i ka bërë ky institucion, ligjit organik për dosjet e ish-Sigurimit të Shtetit.
Ai hedh edhe akuza ndaj Ramës, ku shprehet se kemi të bëjmë me një shantazh politik.
Ndërsa, Autoriteti i Dosjeve thotë se akuzat e Metës janë të pabazuara e dashakeqe ndaj institucionit dhe fyese për dinjitetin e secilit prej anëtarëve.
LEXONI GJITHASHTU