Meterologia e Meteoalb, Lajda Porja tha se gradualisht po i vjen fundit freskimit të motit dhe se do të rikthehen temperaturat e larta në vend.
Për “Euronews Albania”, Porja u shpreh se e mërkura, e enjtja dhe e premtja do të jenë tre ditë të nxehta.
Sipas saj, të premten temperaturat do të kapin vlerën deri në 38 gradë. Ndërsa, shtoi se fundjava do të jetë përsëri më e freskët.
“Do thoja që gradualisht po i vjen fundi freskimit të motit, pritet që i gjithë territori sot të shënojë vlerën 31 gradë, kryesisht në qarkun Elbasan dhe Tiranë. Zonat bregdetare janë kryesisht me mot të kthjellët, vranësira të pranishme, nuk priten reshje sot. Duke filluar nga nesër ne do të kemi ndryshim të tablosë termike. Ka aktivizim të masave ajrore me origjinë afrikane, në vendin fqinj, në brigjet greke do jetë edhe epiqendra e kësaj vale.
Megjithatë, e mërkura, e enjtja dhe e premtja do të shënojnë temperatura duke kulmuar ditën e premte, edhe 37 apo 38 gradë, në shumë zona të ultësirës perëndimore. Gjatë fundjavës do ketë sërish freskim të motit, të shtunë do ketë rënie të temperaturave deri në 33 gradë, do ketë edhe rrebeshe afatshkurta shiu”, theksoi meterologia.
LEXONI GJITHASHTU
- Rrezikohen ekosistemet në Mesdhe prej temperaturave të larta
- Temperatura mbi normat në Detin Mesdhe, në rrezik bimësia dhe gjallesat detare