Edhe ata që kanë dashur ti drejtohen bankës për të marrë një kredi për shtëpi, janë stepur pas 26 nëntorit për shkak të parregullsive në ndërtime që dolën në sipërfaqe pas tërmetit.

 Kjo është arsyeja kryesore që kanë rënë kërkesat për kredi për shtëpi sipas Bankës së Shqipërisë.

 Por individët nuk kanë preferuar në fakt të marrin as kredi për konsum thuhet në raportin e Vrojtimit të Aktivitetit Kreditues të BSH-së.

 Kërkesa për këtë lloj kredie ka rënë. Rënia e kërkesës për kredi në tremujorin e fundit të vitit, shpjegohet nga bankat, u nxit nga përdorimi më i lartë i burimeve të brendshme të financimit, shtimi i kredive nga institucionet e tjera financiare jobanka dhe nga zhvillimet aktuale.