Prokuroët gjermanë po hetojnë profilin online dhe aktivitetet e të autorit të dyshuar të masakrës ku humbën jetën 9 persona në dy prej shisha bareve të Hanaut të mërkurën.
Policia tha se 43-vjeçari u gjet më pas i vdekur në shtëpinë e tij, i shtrirë pranë trupit të pajetë të nënës së tij.
Ministri i Brendshëm i shtetit Hess, Peter Beuth, tha se faqja e internetit që besohet se është e të dyshuarit sugjeronte për “motive ksenofobike”.
[twitter_feed=https://twitter.com/GBA_b_BGH/status/1230500595800453122]
Prokurori federal, Peter Frank, shtoi se i dyshuari kishte ngarkuar në internet “video-mesazhe dhe një lloj manifesti”.
“Përveç mendimeve të errëta dhe teorive konspirative absurde, ato ishin treguese të pikëpamjeve të thella raciste”.
Videoja e ngarkuar në Youtube
Një prej videove u shfaq për herë të parë në Youtube më 14 shkurt.
Në të duket një burrë që qëndron i ulur në një dhomë, duke folur drejtpërdrejt me kamerën dhe duke treguar teori konspirative.
Kanali i tij u mbyll nga Youtube të enjten në mëngjes, disa orë pasi u raportua për sulmin.
Youtube tha për Euronews se nuk e kishin konsideruar videon origjinale si manifest dhe se nuk i shkelte në mënyrë të drejtpërdrejtë politikat e tyre.
Por platforma tha më pas se kanali u tij u fshi menjëherë pasi mësuan për lidhjen e tij me sulmin në Hanau.
Kjo u tha se ishte në një linjë me “Kodin e Sjelljes të Youtube“, veçanërisht për shkak të natyrës brutale të sulmit.
[twitter_feed=https://twitter.com/MTHolroyd/status/1230495071520333824]
