Policia e Pogradecit ka vënë në pranga një 53 vjeçar, pasi ka thyer masën e sigurisë “arrest shtëpie” dhe ka shkuar në banesën e bashkëshortes së tij, ndaj të cilës ka ushtruar dhunë psikologjike.
Shtetasi me iniciale D.T., ka qenë i dënuar për veprat penale “Dhunë në familje” dhe dhe “Prodhimi dhe mbajtja pa leje e armëve luftarake dhe municioneve”.
Bëhet me dije se 53 vjeçari, i cili ishte banues në qytetin e Pogradecit, është arrestuar në flagrancë teksa kishte dalë nga shtëpia e tij dhe kishte shkuar drejt banesës ku jetonte bashkëshortja e tij.
Njoftimi i Policisë:
Komisariati i Policisë Pogradec arrestoi në flagrancë shtetasin D. T., 53 vjeç, banues në Pogradec, pasi ka thyer masën e sigurisë “Arrest në shtëpi” për veprat penale ” Dhunë në familje” dhe “Prodhimi dhe mbajtja pa leje e armëve luftarake dhe municioneve”. Ky shtetas ka thyer masën e sigurisë dhe ka shkuar tek banesa ku jeton bashkëshortja dhe ka ushtruar dhunë psikologjike ndaj saj.
LEXONI GJITHASHTU:
- Dhunoi bashkëshortin dhe i ngriti pritë me persona të tjerë, arrestohet 33-vjeçarja
- Dhunoi babain dhe vëllain për çështje pronësie, arrestohet 56-vjeçari në Elbasan
