Policia e Tiranës ka referuar materialet në Prokurori dhe ka nisur procedimin penal në gjendje të lirë për katër shtetase spanjolle, të cilat ushtronin prostitucion në një apartament në zonën e rrugës së Kavajës.

Sipas njoftimit zyrtar të policisë, “specialistët për Hetimin e Krimeve të Komisariatit të Policisë Nr. 2 kanë proceduar shtetaset A. R., 26 vjeçe, B. P., 26 vjeçe, E. R., 26 vjeçe dhe S. R., 27 vjeçe, pasi u kapën në një banesë ku dyshohet se ushtronin veprimtari të kundërligjshme”.

Gjatë kontrollit të ambientit dhe kontrollit fizik ndaj shtetases S. R., shërbimet e Policisë kanë gjetur dhe sekuestruar një shumë parash dhe një sasi të vogël lënde narkotike të dyshuar si Cannabis Sativa.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme hetimore.

LEXONI GJITHASHTU:

• Shfrytëzonin vajza të huaja për prostitucion, arrestohen dy shtetasit turq në Tiranë
• Përdornin qendrat e masazhit për prostitucion, Prokuroria çon në gjyq 2 vëllezërit