Autoritetet turke thonë se të paktën tre persona kanë humbur jetën ndërsa 179 të tjerë u plagosën nga incidenti i ndodhur të mërkurën në aeroportin e Stambollit.

Avioni i kompanisë Pegasus, që ofron fluturime me çmime të leverdishme, bëri një ulje të fortë për shkak të motit të keq.

Për pasojë, gjatë uljes, avioni që vinte nga Izmiri u dëmtua aq shumë sa që u nda në copa.

Pasagjerët u përpoqën të dilnin pas përplasjes së fortë të avionit me 183 pasagjerë në bord.

Për evakuimin e shumë prej tyre u ndesh ndërhyrja e emergjencës.

Guvernatori i Stambollit, Ali Yerlikaya thotë se, avioni u ul gjatë një stuhie dhe për këtë arsye u zhvendos 50-60 metra nga pista, duke bërë që të përplasej.

“Jemi shumë të prekur nga ajo që ndodhi, por nga ana tjetër jemi të lumtur që u shmang një aksident i rëndë”, u shpreh ai duke shtuar se avioni mund të kishte përfunduar në flakë.

Mes personave të plagosur rëndë janë dhe dy pilotët e avionit.