Kryetari i bashkisë së Varshavës, Rafal Trzaskowski, ka pranuar humbjen në raundin e dytë të zgjedhjeve presidenciale polake, duke përgëzuar kundërshtarin e tij Karol Nawrocki për fitoren e tij.
Në një mesazh për mbështetësit e tij në platformën X, Trzaskowski tha:
“Kërkoj ndjesë që nuk arrita të bind shumicën e votuesve për vizionin tim për Poloninë. E përgëzoj Karol Nawrocki-n për fitoren e tij në zgjedhjet presidenciale.”
Politikani i qendrës e theksoi se fitorja e Nawrocki-t ishte veçanërisht e rëndësishme në këtë periudhë të vështirë, duke e cilësuar si një rezultat të ngushtë dhe sfidues.
Nga ana tjetër, Wladyslaw Kosiniak-Kamysz, zëvendëskryeministër dhe ministri i Mbrojtjes i Polonisë, i cili është një nga udhëheqësit e koalicionit qeverisës, gjithashtu e përgëzoi Nawrocki-n për fitoren. Ai theksoi se tani do të ishte një periudhë e rëndësishme për rivendosjen e unitetit kombëtar në Poloni, duke theksuar detyrën e rëndësishme që ka vendi përpara.
Në raundin e dytë të zgjedhjeve, të mbajtura më 1 qershor, Karol Nawrocki, kandidati nga partia opozitare Ligj dhe Drejtësi, fitoi me 50.89% të votave, ndërsa Trzaskowski i Koalicionit Qytetar e përfundoi me pothuajse 370,000 vota më pak.
Pjesëmarrja në këtë raund të zgjedhjeve arriti një rekord prej 71.63%, duke reflektuar një interes të madh të qytetarëve për këtë proces demokratik.
LEXONI GJITHASHTU:
- Nga “huligan” në president, kush është “miku” i Trump që fitoi zgjedhjet në Poloni
- VIDEO/ Macron pret PSG-në, Brigitte i bashkohet fotos zyrtare në Elize