Një tursite polake, 55-vjeçare e cila vendosi të kalonte pushimet në Shqipëri, ka humbur jetën pasi ka rënë nga hoteli ku po qëndronte.
Ngjarja ka ndodhur në orët e para të mëngjesit të kësaj të premteje në lagjen 13 në Durrës. Sipas informacioneve të deritanishme, dyshohet se 55-vjeçarja është rrëzuar aksidentalisht.
“Në orët e para të mëngjesit të sotëm, në lagjen nr. 13, në Durrës dyshohet se aksidentalisht ka rënë nga kati i gjashtë i hotelit ku ishte akomoduar për pushime, shtetasja polake B. V., 55 vjeçe, banuese në Poloni, e cila për pasojë ka humbur jetën.
Grupi hetimor vijon punën për sqarimin e plotë të rrethanave të kësaj ngjarjeje”-thuhet në njoftimin e policisë.
LEXONI GJITHASHTU:
- Psikologia këshillon prindërit: Të jeni vigjilentë kur fëmijët rrinë me fqinjët
- Kurti bisedë telefonike me Sekretarin për Punë të Jashtme të Britanisë