Twitter do të vendoset nën hetim pasi një haker pretendoi se kishte detaje private të lidhura me më shumë se 400 milionë llogari.
Hakeri, “Ryushi”, ofron të dhënat që disponon, kundrejt një pagese prej 200,000 dollarë. Mediat ndërkombëtare shkruajnë se të dhënat përfshijnë edhe ato të disa personave të famshëm.
Komisioni i Irlandës për Mbrojtjen e të Dhënave tha se “do të shqyrtojë pajtueshmërinë e Twitter me ligjin për mbrojtjen e të dhënave dhe të sigurisë”.
Nga ana e gjigandit të rrjeteve sociale ende nuk kemi një reagim zyrtar ndaj pretendimeve.
Të dhënat thuhet se përfshijnë numrat e telefonit dhe emailet, duke përfshirë ato që u përkasin të famshëmve dhe politikanëve, por madhësia e supozuar e ngarkesës nuk është ende e konfirmuar. Deri tani është bërë publik vetëm një “kampion” i vogël.
The Guardian raportoi se të dhënat e kongresmenes amerikane Alexandria Ocasio-Cortez u përfshinë në mostrën e të dhënave të publikuara nga hakeri. Raportohet gjithashtu se të dhënat përfshijnë të dhënat e gazetarit të njohur Piers Morgan, të cilit së fundmi iu hakua llogaria e tij në Twitter.
LEXO GJITHASHTU:
- Pas SHBA-ve, efektet e ‘ciklonit bombë’ ndihen dhe në Britani
- Cilat janë 10 universitetet më të mira në botë
- Garda Kombëtare e SHBA kontrolle shtëpi më shtëpi pas stuhisë së akullit