Policia në Pikën Kufitare të Kakavijës ka sekuestruar sot mbi 47 mijë euro, qindra dollarë, franga dhe paundë, ndërsa është proceduar penalisht 45-vjeçari që posedonte paratë.

“Në dalje të vendit, u kalua për kontroll në vijë të dytë, shtetasi E. K., të cilit iu gjetën në çantë, 47 150 euro, 800 dollarë amerikan, 90 paund, 50 dollarë kanadez dhe 210 franga zvicerane, të padeklaruara konform ligjit në fuqi. Në vijim të veprimeve procedurale për këtë rast, specialistët për Hetimin e Krimeve të Drejtorisë Vendore të Kufirit dhe Migracionit Gjirokastër referuan materialet në Prokurori ku nisi procedimi në gjendje të lirë për shtetasin E. K., 45 vjeç, banues në Tiranë”, bëri me dije policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU:

• Kakavijë, përfundojnë Pashkët nis kthimi i emigrantëve në Greqi
• Kakavijë| Policia sekuestron euro, franga dhe lingota floriri, procedohet gjermani