Komisioni i Pavarur i Apelimit (KPA) ka rikthyer në detyrë gjyqtarin Bib Ndreca në GJKKO.

Ndreca u shkarkua në 18 janar të vitit 2021 nga Komisioni i Pavarur i Kualifikimit, i cili konstatoi se ai kishte probleme me justifikimin e pasurisë.

Komisioni konstatoi se Ndreca nuk ka pasur mundësi financiare për pagesën e gjithë vlerës së blerjes së një apartamenti.

Po ashtu KPK nuk konstatoi probleme të tjera për kriterin e pasurisë, ndërsa e ka vlerësuar Ndrecën pozitivisht për pastërtinë e figurës dhe profesionalizmin.

Gjyqtari Bib Ndreca në vitin 2015 u dekretua si anëtar i Gjykatës së Shkallës së Parë për Krime të Rënda.

LEXONI GJITHASHTU:

• Vetingu, shkarkohet nga detyra gjyqtari i GJKKO-së, Bib Ndreca
• Basha: Kush është i pastër dhe s’ka frikë, të mbështesë vetting-un e politikanëve