Ukraina po lëviz me shpejtësi drejt hyrjes në bllokun evropian. Gjatë vizitës së tretë në Kiev që nga fillimi i luftës, presidentja e Komisionit Evropian, Ursula von der Leyen ra dakord me presidentin Zelensky që të punojnë sa më shumë për t’i hapur Ukrainës dyert e tregut të përbashkët evropian.
“Procesi i anëtarësimit është në rrugën e duhur. Është befasuese shpejtësia dhe vendosmëria me të cilat ju po ecni përpara. Paralelisht ne kemi rënë dakord se duhet të punojmë sa më shumë për t’u siguruar që Ukraina të ketë më shumë biznese dhe më shumë të ardhura, të cilat bëjnë të mundur që aksesi në tregun e përbashkët të bëhet realitet”, tha Von der Leyen.
Nga ana e tij, Zelensky falënderoi Evropën për mbështetjen dhe në këmbim ofroi energji me çmim të lirë përpara dimrit që po afron.
“Do të kemi shumë sfida gjatë dimrit dhe do na duhet të punojmë së bashku. BE mund të marrë energji elektrike të lirë nga Ukraina dhe kjo do të ndihmojë popujt e BE-së. Nga tjetër, Ukraina mund të sigurojë të ardhura për buxhetin e saj, që do të përdoren për të shlyer pagat dhe pensionet”, u shpreh Zelenski.
Von der Leyen dhe Zelensky duket se u morën vesh shumë mirë. Presidentja e Komisionit e falënderoi atë për sakrificën që vendi i tij po bën për liri dhe i premtoi miqësi të përjetshme mes Ukrainës dhe BE-së.
LEXONI GJTHASHTU: