Ukrainasit shpresojnë që paketa amerikane e ndihmës, e miratuar nga Dhoma e Përfaqësuesve, të mbërrijë në Ukrainë sa më shpejt. Presidenti Zelensky deklaroi se ekipi i tij po bën gjithçka për të siguruar suksesin e paketës në fjalë, duke nënvizuar se ajo përmban pikërisht atë që u duhet ushtarëve ukrainas.
“Koha mes vendimeve politike dhe shkatërrimit të armikut në vijën e frontit, mes aprovimit të paketës dhe forcës së ushtarëve tanë duhet të jetë sa më e shkurtër. Dhe forca duhet të jetë e tillë që të mund të ndryshojë seriozisht situatën në terren”, deklaroi Zelensky.
Nga ana e tij, Kievi ka deklaruar se armët për të cilat ka më shumë nevojë janë raketat tokë-ajër dhe predhat e artilerisë. Pas këtyre vijnë sistemet mbrojtëse ajrore dhe avionët luftarakë. Votimi në Senat i paketës me vlerë 61 miliardë dollarë është planifikuar për të martën.
LEXONI GJITHASHTU:
- Zelensky i lutet Perëndimit për kundërajrorë, Rusia vijon sulmet ajrore
- Zelensky kundër planit të Trump: S’i japim toka Rusisë
