Një aeroplan ushtarak amerikan që transportonte emigrantë të deportuar si pjesë e fushatës së presidentit amerikan Donald Trump kundër imigracionit të paligjshëm është ulur në Guatemalë, thanë dy zyrtarë amerikanë për Reuters.
Zyrtarët, të cilët folën në kushte anonimiteti, nuk pranuan të japin detaje të mëtejshme. Ky është fluturimi i tretë që ulet me sukses në Guatemalë që nga fillimi i fluturimeve të deportimit të ushtrisë javën e kaluar.
Për momentin, Guatemala është i vetmi vend që ka marrë një avion ushtarak me emigrantë. Ky është fluturimi i parë që kur Trump kërcënoi se do të vendoste tarifa dhe sanksione ndaj Kolumbisë për refuzimin e pranimit të fluturimeve ushtarake që transportonin të dëbuar si pjesë e politikës së tij të gjerë të imigracionit.
Shtëpia e Bardhë tha se Kolumbia më në fund kishte rënë dakord të pranonte emigrantët dhe se Uashingtoni nuk do të zbatonte kërcënimet me sanksione.
LEXONI GJITHASHTU:
- Zelensky shpreson se SHBA dhe Evropa do përfshihen në bisedime për paqe në Ukrainë
- “Ishim në klasë”- Kryepeshkopi grek takim me Mitsotakis, përkujtojnë Janullatosin