Kremina është qyteti i parë i cili bie, pas nisjes së ofensivës ruse në Donbas.
Trupat ruse kanë intensifikuar sulmet në lindje të Ukrainës dhe pritet që të shtohen në ditët në vijim. Ata kanë avancuar drejt Kramatorsk një nga qendrat strategjike ushtarake të Ukrainës. Mariupol, qyteti port vijon të rezistojë.
Ministria ruse e mbrojtjes ka lëshuar një ultimatum të ri për trupat ukrainase të ngujuara në uzinën Azovstal. Ata po ofrojnë armëpushim nëse dorëzojnë armët.
Teksa presidenti Zelenski akuzon ushtrinë ruse se po sulmon civilët dhe po bllokon korridoret humanitare.
Moska pretendon se forcat ukrainase po përdorin “mburoja njerëzore” për të mbrojtur strehën e tyre të fundit në qytetin port të Mariupol.
“Të njëjtët radikalë dhe neo-nazistë po përdorin hapur ushtrinë tonë për të kërkuar mbulim në fabrikën e çelikut Azovstal. Ata kanë pohuar vazhdimisht se kanë pasur civilë gjatë gjithë kohës. Dhe nuk e raportuan këtë deri dje, nuk përmendën as civilë, edhe kur personeli ushtarak lëvizi për t’u dorëzuar. Civilët në atë objekt ishin aty vetëm për t’u përdorur si mburoja njerëzore”, u shpreh Dmitry Polianski, zëvendës ambasadori rus në OKB
Bombardimet janë intensifikuar gjithashtu në Kharkiv, ku kryebashkiaku konfirmoi se shtatë persona u vranë.
Ai tha se nga e diela Kremlini ka qenë i përfshirë në një “bombardim pa ndalesë të lagjeve civile” në qytetin e dytë më të madh Ukrainës.
LEXONI GJITHASHTU: