Komisioneri i OKB-së për të Drejtat e Njeriut ka bërë thirrje për armëpushim imediat në Gaza. Në një komunikatë për shtyp të shpërndarë pas një vizite në enklavën palestineze, zyra e tij ka folur për një realitet të zymtë në terren.

Vdekja nga uria konsiderohet si kërcënimi më madhor për qytetarët, pasi Izraeli vazhdon të kufizojë fluksin e ndihmave humanitare.

Raportet mediatike ndërkohë sugjerojnë se një delegacion i Hamas mbërriti të shtunën në Kajro për bisedime me zyrtarët egjiptianë.

Lajmi vjen pak ditë pasi presidenti amerikan Joe Biden shprehu dëshirën për të rinisur dialogun me Katarin, Egjiptin dhe Turqinë për t’i dhënë fund dhunës në Gaza.

Kryeministri izraelit Benjamin Netanyahu është shprehur i hapur për një armëpushim në këmbim të lirimit të pengjeve.

Implementimi i armëpushimit të ndërmjetësuar nga SHBA mes Hezbollahut dhe Izraelit ka ngjallur shpresa për një nismë të ngjashme për Gazën.

LEXONI GJITHASHTU:

• OKB: Asnjë ndihmë nuk ka arritur në veri të Gazës që prej 40 ditësh
• SHBA vendos veto ndaj rezolutës së OKB-së që kërkon armëpushim në Gazë