Presidentja e Komisionit Europian, Ursula Von der Leyen ka uruar Maqedoninë e Veriut për votimin e propozimit francez.
Në një postim në Twitter se ky votim i hap rrugën negociatave për anëtarësim në BE.
“Urime Maqedonisë së Veriut për votimin që tani hap rrugën për hapjen e shpejtë të negociatave të anëtarësimit. Ishte një mundësi historike dhe dhe ju e kapët atë.
Një hap i madh në rrugën tuaj drejt një të ardhmeje evropiane. E ardhmja juaj”, shkruan Von Der Leyen.
Të shtunën, deputetet e Maqedonisë së Veriut miratuan në parlament propozimin francez për hapjen e negociatave me Bashkimin Europian.
Propozimi mori 68 votat e maxhorancës, ndërkohë që deputetët e opozitës nuk morrën pjesë në votim. Këta të fundit kanë paralajmëruar një protestë kundër këtij propozimi.
Propozimi francez përcakton se kërkesat e Bullgarisë për të futur në kushtetutën maqedonase minoritetin e saj të kryhet pas mbajtjes së Konferencës Ndërqeveritare me Bashkimin Europian dhe hapja faktike e negociatave të ndodhë pasi këto ndryshime të kryhen.
LEXONI GJITHASHTU:
- Video | Kuvendi i RMV-së miraton propozimin francez
- Presidentja e KE-së në RMV: S’ka dyshim, gjuha maqedonase është e juaja
