Presidenti Bajram Begaj, ka pritur në takim Presidenten e Komisionit Europian Ursula von der Leyen.
Në një postim që ka bërë në rrjetet sociale, kreu i shtetit teksa ka publikuar foto nga takimi është shprehur se përkushtimi i vendit tonë ndaj vlerave të BE ishin tematika kryesore e takimit të sotëm me Presidenten e KE-së.
Begaj thekson se e konsideron vizitën e Presidentes së KE-së në Shqipëri si një mesazh të fortë dhe inkurajues në këto momente kërcënimesh e sfidash për paqen dhe sigurinë, që kanë ndikim edhe në Ballkanin Perëndimor.
“Përkushtimi i Shqipërisë ndaj vlerave të Bashkimit Europian, vendosmëria për zbatimin e ligjit, investimet në infrastrukturë dhe paketa e mbështetjes energjitike ishin temat kryesore të takimit të sotëm me Presidenten e KE-së, Ursula von der Leyen.
E konsideroj vizitën e Presidentes së KE-së në Shqipëri si një mesazh të fortë dhe inkurajues në këto momente kërcënimesh e sfidash për paqen dhe sigurinë, që kanë ndikim edhe në Ballkanin Perëndimor.
nvestimet domethënëse në sektorët kyç të ekonomisë si infrastruktura dhe energjia garantojnë një zhvillim të qëndrueshëm të Shqipërisë dhe rajonit duke ndihmuar në arritjen e standardeve për anëtarësimin e plotë në Bashkimin Evropian.
Shqipëria është e vendosur për të vijuar me agjendën evropiane dhe objektivi i saj për integrimin në BE është i pandryshueshëm. Raporti i Progresit për Shqipërinë është një udhërrëfyes i paanshëm dhe i nxit të gjitha institucionet shqiptare të veprojnë në mënyrë të përgjegjshme, transparente dhe gjithëpërfshirëse.
Përshëndes vlerësimin e Komisionit Evropian dhe të zonjës Von der Leyen se Kosova i ka përmbushur të gjitha kriteret e kërkuara per liberalizimin e vizave për shtetasit e saj dhe e konsideroj realizimin sa më parë të këtij angazhimi nga ana e BE-së si një hap tjetër të rëndësishëm për stabilitetin dhe zhvillimin e rajonit të Ballkanit Perëndimor.- shkruan Begaj.
LEXONI GJITHASHTU:
- “Leari po planifikonte të ikte jashtë Shqipërisë”, përlotet në studio Ilir Çumani
- Von der Leyen: Shqipëria ka bërë përparësi, po ndërmerren reforma të rëndësishme
- Kriza energjetike, Von der Leyen: BE 80 mln euro grante Ballkanit Perëndimor
