10 palestinezë u vranë në sulmet izraelite në kampet e refugjatëve pranë Jenin dhe Tubas në veri të Bregut Perëndimor, njoftuan sot mediat palestineze. Ministria palestineze e Shëndetësisë pretendon se tre persona u vranë në një sulm izraelit me dron në Bregun Perëndimor verior, raporton agjencia palestineze WAFA.
Raportohet gjithashtu se tre të rinj të tjerë u vranë në sulmin e mëngjesit të sotëm izraelit me dron ndaj një automjeti në fshatin Seir, në juglindje të Jeninit.
Gjysmëhëna e Kuqe Palestineze tha se ekipet e saj nxorën trupat e tre të rinjve nga automjeti i shkatërruar dhe i transportuan në një spital.
Herët në mëngjes, dy të rinj palestinezë u vranë dhe disa u plagosën pas një sulmi izraelit me dron në kampin e refugjatëve Al-Fara, në jug të Tubas, dhe dy palestinezë u vranë nga zjarri izraelit gjatë një bastisjeje në Jenin, ndërsa disa të tjerë u plagosën. Viktimat u konfirmuan nga burime mjekësore palestineze.
LEXONI GJITHASHTU:
- Kirby: SHBA do ta mbrojë Izraelin në rast të një sulmi nga Irani
- Ushtria izraelite shpëton një tjetër person të marrë peng nga Hamasi
