Ushtria izraelite ka urdhëruar të shtunën banorët e Gazës veriore që të evakuojnë shtëpitë e tyre dhe të zhvendosen në jug.
Zëdhënësi i ushtrisë, Avichay Adraee, bëri thirrje që banorët të evakuoheshin “menjëherë përmes rrugës Salah al-Din” drejt një “zone të sigurt humanitare”.
Adraee theksoi se zona, e njohur si D5, do të përballet me veprime ushtarake të vazhdueshme.
Ky urdhër vjen pas një përshkallëzimi të rëndë të sulmeve ajrore izraelite dhe operacioneve tokësore në Gaza, veçanërisht në zonat me popullsi të dendur.
Që nga inkursioni i Hamasit më 7 tetor të vitit të kaluar, Izraeli ka vazhduar ofensivën e tij, pavarësisht thirrjeve për armëpushim nga Këshilli i Sigurimit të OKB-së.
Më shumë se 42,100 persona janë vrarë, shumica gra dhe fëmijë, ndërsa mbi 98,100 janë plagosur, sipas autoriteteve lokale shëndetësore.
Kjo situatë ka çuar në zhvendosjen e pothuajse tërë popullsisë së Rripit të Gazës, për shkak të bllokadës që ka shkaktuar mungesa të mëdha të ushqimit, ujit të pastër dhe ilaçeve.
LEXONI GJITHASHTU:
