English

Ushtria nigeriane vret “gabimisht” 16 civil gjatë një sulmi ajror

KOMENTE

SHPERNDAJE
ARTIKULLIN

Text sizeAa Aa

Të paktën 16 civilë në shtetin veriperëndimor të Nigerisë Zamfara janë vrarë në një sulm ajror ushtarak, pasi janë ngatërruar me banda kriminale.

- Advertisement -

Banorët i thanë mediave lokale se viktimat ishin anëtarë të grupeve lokale vigjilente dhe civilë që mbroheshin nga bandat e armatosura të njohura për rrëmbimin e njerëzve për shpërblim.

Sipas BBC, sulmet kishin në shënjestër bandat militante në zonat Zurmi dhe Maradun dhe guvernatori i shtetit, Dauda Lawal, ofroi ngushëllimet e tij komunitetit.

Ushtria ka pranuar kryerjen e sulmeve ajrore, për të cilat tha se i kishin dhënë “një goditje vendimtare banditëve që terrorizonin fshatrat në zonë”.

Forca Ajrore Nigeriane (NAF) tha se po hetonte “raportet e humbjeve vigjilente”.

“Ndërsa operacioni eliminoi me sukses disa banditë dhe çoi në rikuperimin e disa viktimave të rrëmbimit, NAF i sheh me shqetësim të madh raportet për humbjen e jetëve të civilëve gjatë operacionit”, thuhet në një deklaratë.

Forca Ajrore Nigeriane tha se një “hetim gjithëpërfshirës” në vazhdim do të konstatonte të vërtetën e çështjes, e cila do të “komunikohej për të informuar dhe siguruar publikun”.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Vetëvendosje del forcë e parë në Kosovë, por nuk siguron shumicën! A mendoni se Kurti do ta formojë dot qeverinë e re?