Ushtria zvicerane është vënë në karantinë pasi një prej ushtarëve ka rezultuar pozitiv ndaj COVID-19.
Përmes një deklarate ata thanë se personeli nuk do të lejohet që të lëvizë midis bazave ushtarake në një përpjekje për të shmangur përhapjen e sëmundjes edhe më tej.
Në Zvicër, shërbimi ushtarak është i detyrueshëm më ligj dhe një përqindje e lartë e ushtrisë është e përbërë nga rekrutë.
Si pjesë e sistemit të rekrutimit, ushtarët marrin pjesë në kurse të ndryshme të cilat zgjasin disa ditë.
Ushtari rezultoi pozitiv teksa filloi kursin ditën e hënë, thotë Ushtria Zvicerane përmes një deklarate. Gjatë kontrolleve, ai deklaroi se kishte qenë së fundmi në Milano dhe komandantët ushtarakë vendosën t’i bëjnë një test.
Ushtria konfirmoi se gjendja e tij është e qëndrueshme dhe se tre personat e tjerë që qëndronin në dhomë me të janë vënë në karantinë. Ushtarët e tjerë që kanë pasur kontakt me të janë vënë në karantinë të përkohshme gjatë natës.
Ndërsa, ushtarët e tjerë mund të largohen nga godinat e ushtrisë por jo nga sitet ushtarake, tha një zëdhënës i ushtrisë zvicerane për Agjencinë e Lajmeve Franceze.
