English

Vdekja e biznesmenit në Sarandë, policia: Akt-ekspertim për arsyet e shpërthimit

KOMENTE

SHPERNDAJE
ARTIKULLIN

Text sizeAa Aa

Armandi Nelaj, 52 vjeç është viktima e identifikuar e shpërthimit të së hënës mbrëma në Sarandë.

- Advertisement -

Viktima i veshur si polumbar, ishte zhytur 100 metër larg portit detar në momentin që dyshohet se i shpërtheu bombula e oksigjenit.

Nelaj i gjymtuar në pjesën më të madhe të trupit u nxor në breg nga dy turist të rastësishëm, që kaluan me gomone aty pranë, ndërsa ndërroi jetë pak çaste më vonë.

Identifikimi i tij u bë i mundur pasditen e së martës kur vëllai i viktimës, e denoncoi atë në Komisariatin e Policisë Sarandë pasi nuk i përgjigjej në telefon. Pasi oficerët i kanë treguar foton e viktimës së gjymtuar ai e ka njohur të vëllai nga tatuazhi në qafë.

Polumbarët e RENEA-s gjatë kërkimeve në gjirin e Sarandës, kanë gjetur materiale të cilat hapin pistën e shpërthimit të një lëndë plasëse dhe janë dërguar për ekspertizë në Tiranë. 52-vjeçari prej 13 vitesh operonte si sipërmarrës ndërtimi në Sarandë.

Përmes një njoftimi zyrtar policia e Sarandës bëri me dije se 52-vjeçari ka ndërruar jetë si pasojë e një shpërthimi, ndërkohë që notonte në det, pranë gomones së tij, por pritet akti i ekspertimit për arsyen e shpërthimit.

“Në vijim të informacionit paraprak të dhënë më datë 24.06.2024, informojmë se Komisariati i Policisë Sarandë referoi materialet në Prokurori, pasi në afërsi të Portit Detar Sarandë, dyshohet se ka humbur jetën si pasojë e një shpërthimi, ndërkohë që notonte në det, pranë gomones së tij, shtetasi A. N., 52 vjeç, banues në Sarandë. Në vijim, pritet akti i ekspertimit për arsyen e shpërthimit. Ndërkohë, në drejtimin e Prokurorisë, vijon puna për zbardhjen dhe dokumentimin e plotë ligjor të rrethanave të ngjarjes”, bëri me dije policia.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?