Agjencia e shëndetit publik e Afrikës thotë se vendet me shpërthime vdekjeprurëse të kolerës në kontinent nuk kanë qasje të menjëhershme në vaksina, në mes të një mungese globale të furnizimit.

Drejtori në detyrë i Qendrave Afrikane për Kontrollin dhe Parandalimin e Sëmundjeve, Ahmed Ogwell, u tha gazetarëve të enjten se agjencia po punon me Organizatën Botërore të Shëndetësisë (OBSH) dhe aleancën e vaksinave GAVI për mënyrat për të marrë më shumë doza.

Ai tha gjithashtu se po punojnë me dy prodhues vendas për të shikuar mundësitë nëse objektet e tyre mund të ripërdoren për të prodhuar vaksina kundër kolerës, shkruan REL.

OBSH dhe partnerët e saj rekomanduan në tetor që vendet të kalojnë përkohësisht në përdorimin e një doze të vetme të vaksinës së kolerës në vend të dy që nevojten, për shkak të mungesës së furnizimit pasi shpërthimet e sëmundjes që transmetohet nga uji po rriten globalisht.

Ata thanë se një dozë e vaksinës ka rezultuar efektive në ndalimin e shpërthimeve “edhe pse dëshmitë për kohëzgjatjen e saktë të mbrojtjes janë të kufizuara” dhe duket të jenë më të ulëta te fëmijët.

LEXONI GJITHASHTU:

• OBSH paralajmëron për shpërthime të kolerës, ndikon edhe klima
• Alarmi i OBSH-së për kolerën: S’kemi vaksina, sëmundja është përhapur shumë