OFL i kërkon Ervis Martinajt të bëjë vetëdeklarim të pasurisë për 48 orë

KOMENTE

SHPERNDAJE
ARTIKULLIN

Text sizeAa Aa

Objekt i Operacionit Forca e Ligjit për ditën e sotme kanë qenë Ervis Martini dhe vëllezërit, Arben dhe Valentino Koçori. OFL u ka kërkuar të tre këtyre personave, kërkesat për vetë deklarim të pasurisë.

Martini, një emër shumë i përfolur, me banim në Kurbin, rezulton person në hetim për veprën penale “Vrasja me paramendim”, ndërsa dy vëllezërit Koçori janë dënuar në Itali për vrasje.

38-vjeccari Martinaj i skeduar nga policia si kreu i një grupi kriminal është në hetim për ngjarjen e 4 tetorit të vitit 2018 në zonën e ish-Bllokut, ku gjatë një përplasjeje me armë, mbeti i plagosur së bashku me Eljon Haton ndërsa miku i tij, Fabiol Gaxha mbeti i vrarë.

Për përplasjen në lokal vijon të jetë në kërkim ish-komando Mervjol Billo. Megjithëse u arrestua Martinaj i njohur për aktivitetin e tij në fushën e lojërave të fatit, arriti të linte qelinë kundrejt një garancie pasurore prej 5 milionë lekësh të vendosur nga gjyqtari Artan Gjermeni ndërsa vendimi i shkallës së parë u konfirmua edhe në Gjykatën e Apelit.  Madje në atë kohë reagoi edhe Ambasada Amerikane në Tiranë duke deklaruar se pret hetim të plotë të tij dhe që sundimi i ligjit të zbatohet për këtë rast.

Por, gjithashtu Martini është hetuar dhe për vrasjen e Enton Nikajt. Në pretencën e paraqitur nga Prokuroria për këtë çështje në prill 2016, për Martinin u kërkua një dënim prej 25 vite burg për “Vrasje me paramendim”.

Bashkë me Martinajn, brenda 48 orëve duhet të përgjigjen dhe dy vëllezërit Arben dhe Valentino Kaçorri. Sipas OFL-së ata janë të dënuar në Itali për vrasje e trafik armësh. Vëllezërit Kaçorri rezultojnë lidhje krushqie me Martinajn ndërsa krahas Italisë Arben Kaçorri në vitin 2008 është ndaluar edhe nga policia kufitare e Kakavijës me 4 kilogramë marijuanë dhe 300 gramë kokainë.

Që prej nisjes së operacionit , OFL-ja ka skedduar 26 individë që duhet të justifikojnë pasurinë. Shumica e dosjeve të tyre janë në tryezën e prokurorëve të SPAK dhe brenda kësaj jave pritet që dosjet e para për sekuestro të dërgohen në gjykatën e posaçme.

Në bazë të aktit normativ, këta tre persona do të kenë 48 orë kohë për t’u përgjigjur me shkrim pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme. Që prej miratimit nga Këshilli i Ministrave i Aktit Normativ më 31 janar, OFL ka vënën nën sekuestro pasuri të personave të ndryshëm. Gjithashtu u ka kërkuar që të justifikojnë pasurinë personave të tjerë të dënuar apo të dyshuar për krime të rënda.


Etiketimet

6 të vdekur dhe 1562 të reja me COVID-19

Gjashtë persona kanë humbur jetën nga COVID-19 gjatë 24 orëve të fundit në vend, ndërsa janë konfirmuar 1562 raste të reja me virusin. Infektimet e...

Danimarka planifikon heqjen e çdo mase kundër COVID

Danimarka planifikon të heqë kufizimet kundër COVID-19 më 1 shkurt. Ky vendim vjen në një kohë kur në vend konfirmohen shifra të larta infektimesh çdo...

Regjistrohu për të marrë NEWSLETTER