Raporti i “Freedom House” për vendet në tranzicion, Shqipëria rënie në treguesit e qeverisjes demokratike

KOMENTE

SHPERNDAJE
ARTIKULLIN


Text sizeAa Aa

Një raport i fundit i Freedom House, publikuar të mërkurën, ka vënë në dukje rënien e nivelit të demokracisë në Shqipëri, ndërsa paralajmëron se pandemia e Covid-19 mund të ndikojë edhe më shumë në këtë tregues.


Në raportin e përvitshëm “Vende në tranzicion”, i cili analizon 29 shtete, Freedom House vëren se gjatë vitit 2019 pati rënie të nivelit të demokracisë në disa prej vendeve të Evropës Qendrore dhe Ballkanit, përfshirë këtu dhe Shqipërinë.

Sipas raportit 9 shtete (Kosova, Maqedonia e Veriut, Lituania, Armenia, Azerbajxhani, Kazakistani, Moldavia, Ukraina dhe Uzbekistani) patën përparime të nivelit të demokracisë ndërsa 15 patën hapa prapa – mes tyre dallojnë Hungaria, Serbia dhe Mali i Zi, të cilat në 10 vitet e fundit kanë zbritur nga demokraci në konsolidim në klasifikimin regjim hibrid.

Shqipëria ka patur rënie në treguesit e qeverisjes demokratike dhe zgjedhjeve të lira, ndërsa në këto tregues Kosova dhe Maqedonia e Veriut shënuan rritje, por zhvillimet e këtij viti mund të vënë në diskutim vazhdimësinë.

Argumenti kryesor për vlerësimet në rënie të treguesve të demokracisë cilësohet mungesa e konsensusit, prirja për bojkot, zgjedhjet jo të lira, apo dhe rënia e besueshmërisë te institucionet.

Shqipëria vlerësohet regjim hibrid, ose ndryshe demokraci në tranzicion. Ajo shënoi rënie në treguesit demokratik prej zhvillimeve që pati në vitin 2019, ku veçohen më së shumti djegia e mandateve parlamentare, zgjedhjet vendore pa praninë e opozitës, nisja e procesit të shkarkimit të Presidentit Ilir Meta dhe përplasjet rreth emërimeve në Gjykatën Kushtetuese.

Harta e klasifikimit të sistemit demokratik në 29 shtete; Foto:Freedom House

Në një shkallë vlerësimi nga 1 deri në 7 pikë, ku 1 është niveli më i ulët i demokracisë dhe 7 më i larti, Shqipëria është vlerësuar me 3.82 pikë – nga 3.89 që kishte për vitin 2018.

Për sa i përket Kosovës dhe Maqedonisë së Veriut, ata janë vlerësuar për përmirësime në raport me median dhe arritjen e marrëveshjes me Greqinë për çështjen e emrit.

Kosova, që gjithashtu vlerësohet regjim hibrid, ose demokraci në tranzicion, u vlerësua me 3.18 pikë – nga 3.11 që ishte vlerësuar për vitin 2018.

Megjithatë përplasja politike e dy muajve të fundit nën pandeminë e Covid-19 pritet të ndikojë shumë në treguesit e demokracisë së Kosovës gjatë vitit 2020.

 

Lexoni gjithashtu:

Raporti i “Freedom House” për demokracinë, Shqipëria humbet pikë, përmirësohen Kosova dhe RMV-ja






Etiketimet

SHBA do të armatosë Ukrainën me raketa kundër Flotës së Zezë Ruse

Zyrtarët amerikanë po konsiderojnë armatosjen e ushtrisë ukrainase me raketa të avancuara kundër anijeve, ka raportuar agjencia e lajmeve Reuters. Duke cituar zyrtarë të administratës...

Kreu i Shoqatës të Jetimëve: Problemi kryesor është baza ligjore

Lulzim Resuli, kreu i Shoqatës Kombëtare të Jetimëve në Shqipëri tha për “Mirëmëngjes” në Euronews Albania se fëmijët me mungesën e kujdesit prindëror kanë...

Kreu i ISHSH-së: Duhet riparë kufiri minimal i pensioneve familjare

Astrit Hado, kreu i Institutit të Sigurimeve Shoqërore tha se pensioni për fëmijët jetim varion dhe bazohet te vitet e sigurimeve që ka prindi...


TË FUNDIT

SHBA do të armatosë Ukrainën me raketa kundër Flotës së Zezë Ruse

Zyrtarët amerikanë po konsiderojnë armatosjen e ushtrisë ukrainase me raketa të avancuara kundër anijeve, ka raportuar agjencia e lajmeve Reuters. Duke cituar zyrtarë të administratës...

Kreu i Shoqatës të Jetimëve: Problemi kryesor është baza ligjore

Lulzim Resuli, kreu i Shoqatës Kombëtare të Jetimëve në Shqipëri tha për “Mirëmëngjes” në Euronews Albania se fëmijët me mungesën e kujdesit prindëror kanë...

Kreu i ISHSH-së: Duhet riparë kufiri minimal i pensioneve familjare

Astrit Hado, kreu i Institutit të Sigurimeve Shoqërore tha se pensioni për fëmijët jetim varion dhe bazohet te vitet e sigurimeve që ka prindi...

Rusia: Lirojmë portet në Detin e Zi nëse rishikohen sanksionet

Ministria e Jashtme e Rusisë ka thënë se do të konsiderojë hapjen e porteve të Ukrainës në Detin e Zi -  duke ulur kështu...

Presidenti i KE sot në Tiranë

Presidenti i Këshillit Evropian, Charles Michel do të jetë sot në Tiranë. Ai do të pritet nga kryeministri Edi Rama në orën 10:15 në...







Regjistrohu për të marrë NEWSLETTER