Reforma zgjedhore, PD propozon qeveri kujdestare 100 ditë para zgjedhjeve

KOMENTE

SHPERNDAJE
ARTIKULLIN


Text sizeAa Aa

Në ndryshimet e propozuara për Kodin Zgjedhor nga Partia Demokratike përfshihet miratimi i janë qeveri kujdestare 100 ditë parë zgjedhjeve. Rregulli sipas propozimit të PD-së, duhet të zbatohet deri në anëtarësimin e Shqipërisë në Bashkimin Evropian.

Detyrat kryesore të qeverisë kujdestare janë të sigurojë asnjanësi dhe paanshmëri të institucioneve të administratës publike në procesin zgjedhor, të sigurojë barazinë e trajtimit midis kandidatëve dhe partive të ndryshme në lidhje me burimet administrative si dhe të sigurojë barazi ndërmjet të gjithë subjekteve zgjedhore, duke mbrojtur nga keqpërdorimi i mundshëm i burimeve administrative për qëllime politike.

Gjithashtu në nga propozimet është dhe përfshirja në Kodin Zgjedhor e një pike ku parashikohet ndalimi gjatë fushatës zgjedhore, marrja në punë, pushimi nga puna, lirimi, lëvizja dhe transferimi në detyrë në institucionet apo entet publike, me përjashtim të rasteve të përligjura.

Propozimi i PD:

Në ligjin nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar, bëhen, këto shtesa dhe ndryshime:

 Neni 1

Pas nenit 5, shtohen nenet 5/1 me përmbajtje si më poshtë vijon:

“Neni 5/1

Ndalimi i përdorimit të burimeve publike në mbështetje të subjekteve zgjedhore

1. Me përjashtim të rasteve të parashikuara me ligj, nuk mund të përdoren ose të vihen në mbështetje të kandidatëve, të partive politike ose të koalicioneve në zgjedhje burime të organeve apo enteve publike në nivel qendror ose vendor, apo çdo lloj enti tjetër ku shteti zotëron kapitale apo kuota ose/dhe emëron shumicën e organit mbikëqyrës apo organit administrues të entit, pavarësisht nga burimi i kapitalit ose pronësia.

2. Në kuptim të këtij neni, “burime” quhen asetet e luajtshme dhe të paluajtshme, të parashikuara në nenin 142 të Kodit Civil, si dhe çdo burim njerëzor i institucionit. Me përdorim të “burimeve njerëzore” kuptohet përdorimi i detyruar në fushatë zgjedhore i administratës së institucionit brenda orarit të punës për qëllime zgjedhore, si dhe përdorimi i detyruar dhe i organizuar brenda orarit mësimor i nxënësve të sistemit shkollor parauniversitar në fushatë zgjedhore.

3. Gjatë fushatës zgjedhore ndalohet marrja në punë, pushimi nga puna, lirimi, lëvizja dhe transferimi në detyrë në institucionet apo entet publike, me përjashtim të rasteve të përligjura apo rasteve të parashikuara në nenin 5/2 të këtij ligji. Konsiderohen raste të përligjura rastet kur lëvizja apo lirimi nga puna vjen si rrjedhojë e shkeljeve, sipas legjislacionit përkatës, ose marrja në punë bëhet brenda strukturës dhe organikës në fuqi përpara fushatës zgjedhore nga institucioni apo enti publik në përmbushje të misionit të tij. Bëjnë përjashtim rastet e emergjencave për shkak të ngjarjeve të paparashikuara që diktojnë marrjen në punë.

4. 100 ditë përpara ditës së zgjedhjeve parlamentare, Kuvendi i Shqipërisë, miraton përbërjen e Qeverisë Kujdestare të Zgjedhjeve, e cila pas betimit përpara Presidentit të Republikës, fillon ushtrimin e detyrës për të garantuar standardet për zgjedhje të lira dhe të ndershme, me funksion të posaçëm ndalimin e përdorimit të burimeve publike në mbështetje të subjekteve zgjedhore. Ky rregull zbatohet deri në hyrjen në fuqi të marrëveshjes për anëtarësimin e Republikës së Shqipërisë në Bashkimin Europian.

5. Qeveria Kujdestare e Zgjedhjeve ka për detyrë:

  • të sigurojë asnjanësi dhe paanshmëri të institucioneve të administratës publike në procesin zgjedhor;
  • të sigurojë barazinë e trajtimit midis kandidatëve dhe partive të ndryshme në lidhje me burimet administrative;
  • të sigurojë barazi ndërmjet të gjithë subjekteve zgjedhore, duke mbrojtur nga keqpërdorimi i mundshëm i burimeve administrative për qëllime politike.

6. Rregullat e posaçme për organizimin dhe funksionimin e Qeverisë Kujdestare të Zgjedhjeve, përcaktohen si Aneks i ligjit nr. 9000, datë 30.1.2003 “Për organizimin dhe funksionimin e Këshillit të Ministrave”.”.

Neni 2

Neni 88, shfuqizohet.


Etiketimet

‘Protesta’, PD thirrje qytetarëve: Mos u trembni nga skenarët fake të qeverisë

Deputeti i Partisë Demokratike, Belind Këlliçi u bëri thirrje qytetarëve që të marrin pjesë pjesën në protestën e sotme, në orëm 19:00. Në një deklaratë...

Kapet i shumëkërkuari për masakrën e Çoles, ruhej nga një person i armatosur

Një operacion i policisë së Vlorës në bashkëpunim me forcat "Shqiponja” kanë vënë në pranga një shtetas të shpallur kërkim për vrasjen e dy...

Euro drejt barazimit me dollarin, ekspertët shpjegojnë arsyet e zhvlerësimit

Monedha e përbashkët europiane po barazohet në tregun vendas me dollarin amerikan. Javët e fundit euro është dobësuar ndjeshëm në tregun vendas duke u shitur...

TË FUNDIT

‘Protesta’, PD thirrje qytetarëve: Mos u trembni nga skenarët fake të qeverisë

Deputeti i Partisë Demokratike, Belind Këlliçi u bëri thirrje qytetarëve që të marrin pjesë pjesën në protestën e sotme, në orëm 19:00. Në një deklaratë...

Kapet i shumëkërkuari për masakrën e Çoles, ruhej nga një person i armatosur

Një operacion i policisë së Vlorës në bashkëpunim me forcat "Shqiponja” kanë vënë në pranga një shtetas të shpallur kërkim për vrasjen e dy...

Euro drejt barazimit me dollarin, ekspertët shpjegojnë arsyet e zhvlerësimit

Monedha e përbashkët europiane po barazohet në tregun vendas me dollarin amerikan. Javët e fundit euro është dobësuar ndjeshëm në tregun vendas duke u shitur...

Rikthehen në detyrë prokurorët e SPAK, Elvin Gokaj dhe Alfred Shehu

Gjykata e Lartë ka rrëzuar vendimin e shkallës së Apelit në Gjykatës Administrative që pezullonte nga detyra dy prokurorët e SPAK, Elvin Gogaj e...

Lavrov nuk do të takohet me Blinken në Samitin e G20-ës

Nuk është planifikuar një takim mes ministrit të Jashtëm rus, Sergei Lavrov dhe sekretarit amerikan të shtetit Antony Blinken në Samitin e G20-ës në...