Vaksinimi kundër COVID-19, Euronews Albania ndjek procesin brenda stadiumit ”Air Albania”

KOMENTE

SHPERNDAJE
ARTIKULLIN

Text sizeAa Aa

Sot është dita e katërt e vaksinimit kundër COVID, proces që po kryhet në stadiumin “Air Albania”.

Gjatë ditës së sotme këtij procesi po i nënshtrohen mjekë dhe infermierë të spitaleve COVID.

Deri tani pamjet janë ofruar në rrjetet sociale nga ministria e Shëndetësisë, ndërsa sot Euronews Albania e ka ndjekur nga afër këtë proces.

Gazetarja Dorina Halili, tregoi se para se një individ të vaksinohet plotëson një formular me të dhënat që përkojnë me gjendjen shëndetësore të pacientit dhe është një mjek që e orienton gjatë kësaj procedure.

Ajo sqaroi se gratë shtatzëna, personat që kanë alergji të ndryshme dhe personat nën 16 vjeç nuk mund të vaksinohen ndërkohë që pjesa tjetër mund ta bëjë vaksinën pa problem.

“Procesi i vaksinimit zgjat shumë pak minuta por pas këtij procesi duhet pritur në ambientet e stadiumit “Air Albania” 20-30 minuta dhe më pas nëse nuk ka ndonjë problem personi mund të vijojë për t’u kthyer pas 21 ditësh dhe për të marrë dozën e dytë të vaksinës,” – tha gazetarja e Euronews Albania.

Dorina Halili tregoi se pavarësisht vënies në dispozicion të 60 stacioneve të punës, më pak se 10 prej tyre ishin vënë në përdorim ditën e katërt të vaksinimit. Për Euronews Albania, Instituti i Shëndetit Publik tha se kjo gjë ka ndodhur për të shmangur grumbullimet.

“Diçka që ngre dhe pikëpyetjen se përse u ngritën 60 stacione pune,” – u shpreh gazetarja Halili.

Ajo solli në vëmendje se ka shumë njerëz që vijnë pranë ambienteve të stadiumit për të marrë një informacion sa i takon vaksinimit por ende nuk dihet se kur do të bëhet vaksina te popullata. Deri më tani ata që kanë marrë shërbimin janë mjekët dhe infermierët në përballje me virusin.

“Ajo çfarë u tha ditën e sotme nga specialistët e Institutit të Shëndetit Publik është se procesi pritet të nisë në azile por ende nuk u dha një datë konkrete,” – tha Halili.

Së fundmi gazetarja theksoi se është vënë re një ngurrim nga mjekët dhe infermierët nëse duhet apo jo ta bëjnë vaksinën, informacion ky që është thënë edhe nga kryevaksinatorja.

Ajo që ju ka dhënë besim ka qenë kryerja e vaksinës nga kryeministri, shefja e infektivit apo mjekë të njohur.

Kujtojmë se të parët u vaksinuan, shefja e shërbimit infektiv, Najada Çomo si dhe  kryeministri Edi Rama. Më pas procesi vijoi me stafin mjekësor.

 

Lexoni gjithashtu: 

Dita e tretë e vaksinimit anti-COVID, injektohen 50 mjekë dhe infermierë, pasi 21 ditësh marrin dozën e dytë

Dita e dytë e vaksinimit anti-COVID në ”Air Albania”, së shpejti do u injektohet edhe të moshuarve


Etiketimet

Në Shqipëri rregullimi i dhëmbëve është itinerar i një pakete turistike

Turizmi dentar po zhvillohet gjithnjë e më shumë në Shqipëri. Përveç shërbimeve dentare, pacientëve u ofrohen paketa të mirëfillta turistike nga klinikat dhe agjencitë...

Banorët e Kievit nuk i tremben luftës

Pronarët e bizneseve, shkrimtarët, por edhe qytetarët e thjeshtë në Kiev vijojnë të ndjekin rutinën e përditshme, pavarësisht kërcënimit për një pushtim rus. Për poetin...

Kremlini i cilëson sanksionet ndaj Putin politikisht shkatërruese

Rusia paralajmëroi të mërkurën se vendosja e sanksioneve direkte ndaj presidentit Vladimir Putin, të paralajmëruara nga presidenti amerikan Joe Biden, do të jenë “politikisht...

Regjistrohu për të marrë NEWSLETTER